Erfiðasta vika í lífi Lampards

Frank Lamp­ard miðjumaður­inn frá­bæri í liði Chel­sea seg­ir að síðasta vika sé sú erfiðasta sem hann hef­ur gengið í gegn­um í lífi sínu en móðir hans var flutt mikið veik á sjúkra­hús vegna lungna­bólgu. Lamp­ard kom inn í lið Chel­sea á nýj­an leik í leikn­um á móti Li­verpool í fyrra­kvöld en hann var ekki með í leikj­un­um tveim­ur á und­an vegna veik­ind­anna.

,,Á þess­um tíma í síðustu viku var mjög erfitt ástand. Ég mun ekki fara út í frek­ari út­skýr­ing­ar en þetta var erfiðsta stund í mínu lífi,“ sagði Lamp­ard á vef Chel­sea.

Lamp­ard reiknaði með að missa af leikn­um við Li­verpool en líðan móður hans var stöðug og því ákvað hann að gafa kost á sér í leik­inn. Lamp­ard var þo ekki nema skugg­inn af sjálf­um sér og það skilj­an­legt í ljósi aðstæðna.

,,Fyr­ir þrem­ur dög­um þá var ég ekk­ert með það í hug­an­um að fara að spila en við feng­um betri frétt­ir af móður minni um helg­ina og ég ákvað í kjöl­farið að hefja æf­ing­ar á ný. Knatt­spyrn­u­stjór­inn og all­ir hjá fé­lag­inu hafa reynst mér ákaf­lega vel og hafa ekki þrýst á mig á neinn hátt,“ sagði Lamp­ard.

,,Ég viður­kenni al­veg að ég hef verið í betra ástandi til að spila, bæði and­lega og lík­am­lega enda síðustu dag­ar bún­ir að vera ansi erfiðir hjá mér.“