Arsenal á enn möguleika á titlinum

Arsenal sækir botnlið Derby heim á Pride Park í lokaleik 36. umferðar ensku úrvalsdeildarinnar í kvöld og þó svo flestir spá því að Manchester United eða Chelsea verði Englandsmeistari á Arsenal enn tölfræðilega möguleika á að hampa titlinum. Vinni liðið í kvöld, sem nær allir gera ráð fyrir, verður það fjórum stigum á eftir United og Chelsea.

Chelsea og Manchester United hafa 81 stig en með sigri í kvöld verður Arsenal með 77 stig. Eini möguleiki Arsenal á að verða meistari er að liðið vinni alla þá þrjá leiki sem það á eftir og að Manchester United og Chelsea fái ekki meira en 1 stig úr síðustu tveimur leikjum sínum.

Leikirnir sem toppliðin þrjú eiga eftir eru:

Man Utd:

West Ham (h)

Wigan (Ú)

Chelsea:

Newcastle (ú)

Bolton (h)

Arsenal:

Derby (ú)

Everton (h)

Sunderland (Ú)

• 1 blogg um fréttina

Bloggað um fréttina

• Sigurpáll Ingibergsson: Derbyleikur