Everton líka orðað við Joaquín

Forráðamenn Everton virðast vera með trollið úti víðsvegar um Evrópu því nú eru þeir orðaðir við spænska landsliðsmanninn Sánchez Joaquín, sem er væntanlega á förum frá Valencia í sumar.

Joaquin hefur lengi vakið áhuga enskra liða og José Mourinho reyndi mikið að fá hann til Chelsea á sínum tíma, en án árangurs. Valencia er í miklum fjárhagsvandræðum og þarf líklega að selja sína bestu menn í sumar.

Umboðsmaður hans sagði við Marca í dag að það væri rétt að tilboð hefðu borist frá enskum og ítölskum liðum en spænskir fjölmiðlar segja að um sé að ræða Everton og Roma.

Joaquín er 26 ára gamall miðjumaður sem kom til Valencia frá Real Betis fyrir tveimur árum.

• 1 blogg um fréttina

Bloggað um fréttina

• Pétur Sig: David Villa!!!!!