Íþróttir | Enski boltinn | mbl | 9.5.2008 | 20:46

Ronaldo sá besti

Cristiano Ronaldo skorar gegn West Ham um síðustu helgi. Reuters

Portúgalinn Cristiano hjá Manchester United hefur staðið sig best allra leikmanna í ensku úrvalsdeildinni í knattspyrnu samkvæmt útreikningum Actim, sem heldur utan um frammistöðu allra leikmanna í deildinni og reiknar út einkunnir þeirra fyrir hina ýmsu þætti eftir hvern leik.

Þetta kemur örugglega engum á óvart enda hefur Ronaldo leikið frábærlega fyrir Manchester United á leiktíðinni og hefur á undanförnum dögum verið útnefndur leikmaður ársins, bæði af leikmönnum og íþróttafréttamönnum.

Hermann Hreiðarsson er eini Íslendingurinn sem kemst á topp 100 manna listann en Eyjamaðurinn sem hefur leikið svo vel á sínu fyrsta tímabili með Portsmouth er í 81. sæti.

Tíu efstu leikmennirnir á tölfræðilistanum eru:

755 Cristiano Ronaldo, Man. Utd

698 Emmanuel Adebayor, Arsenal

618 Fernando Torres, Liverpool

615 Ashley Young, Aston Villa

602 Roque Santa Cruz, Blackburn

573 Cesc Fabregas, Arsenal

558 Gareth Barry, Aston Villa

552 Carlos Tevez, Man.Utd

534 Steven Gerrard, Liverpool

534 Gabriel Agbonlahor, Aston Villa