Manchester United er enskur meistari 2008

Manchester United varð í dag ensk­ur meist­ari í knatt­spyrnu annað árið í röð með því að sigra Wig­an, 2:0, á úti­velli í lokaum­ferðinni. Á sama tíma gerðu Chel­sea og Bolt­on jafn­tefli, 1:1, og United varð því meist­ari á 87 stig­um en Chel­sea hlaut 85 stig í öðru sæt­inu.

Cristiano Ronaldo og Ryan Giggs skoruðu mörk United, sitt í hvor­um hálfleik. Giggs kom inná sem varamaður og jafnaði leikja­metið hjá Manchester United. Hann spilaði sinn 758. leik, jafn­marga og Bobby Charlt­on lék á sín­um tíma.

Andriy Shevchen­ko kom Chel­sea yfir í seinni hálfleik en Kevin Davies jafnaði fyr­ir Bolt­on í blá­lok­in, 1:1, þegar ljóst var orðið að Manchester United væri með titil­inn í hönd­un­um. 

Þannig gengu leik­irn­ir fyr­ir sig: 

Wig­an - Manchester United 0:2

Manchester United fékk víta­spyrnu á 32. mín­útu þegar Em­mer­son Boyce braut á Wayne Roo­ney. Cristiano Ronaldo tók spyrn­una og skoraði, 0:1. Man. Utd skrefi nær enska meist­ara­titl­in­um. 

Marcus Bent var rétt bú­inn að jafna á 37. mín­útu fyr­ir Wig­an þegar hann átti hörku­skot í hliðarnetið. 

United hefði getað fengið víta­spyrnu á 53. mín­útu þegar Tit­us Bramble braut á Paul Scho­les en Steve Benn­ett dæmdi ekk­ert. Engu munaði að Wayne Roo­ney bætti við marki á 55. mín­útu þegar Chris Kirk­land varði hörku­skot hans naum­lega í horn.

Sára­litlu munaði að Emile He­skey jafnaði fyr­ir Wig­an á 69. mín­útu þegar hann átti hörkuskalla eft­ir auka­spyrnu en bolt­inn skreið naum­lega yfir þverslána á marki Man. Utd. 

Ryan Giggs, sem kom inná sem varamaður, skoraði, 2:0, á 79. mín­útu eft­ir send­ingu frá Wayne Roo­ney. 

Lið Man.Utd: Van der Sar - Brown, Fer­d­inand, Vidic, Evra - Ronaldo, Carrick, Scho­les, Park - Tévez, Roo­ney.
Vara­menn: Kuszczak, Har­grea­ves, Saha, Giggs, Sil­vestre.

Chel­sea - Bolt­on 1:1

Chel­sea varð fyr­ir áfalli eft­ir 15 mín­útna leik þegar fyr­irliðinn John Terry meidd­ist og fór af velli. Ju­liano Bell­etti kom í hans stað.

Bolt­on stóð af sér þunga sókn Chel­sea á lokakafla fyrri hálfleiks og staðan í hálfleik 0:0 á Stam­ford Bridge. 

Flor­ent Malouda átti hörku­skot í þverslána á marki Bolt­on á 47. mín­útu. Varamaður­inn Andriy Shevchen­ko kom svo Chel­sea yfir með skoti af stuttu færi eft­ir þunga sókn á 62. mín­útu, 1:0.

Bolt­on jafnaði í lok upp­bót­ar­tíma, 1:1, Kevin Davies með skoti í varn­ar­mann og inn, og sá til þess að enski meist­ara­tit­ill­inn ynn­ist ekki á marka­tölu þetta árið, frek­ar en und­an­far­in 19 ár.

Grét­ar Rafn Steins­son lék all­an leik­inn með Bolt­on. 

Lið Chel­sea: Cech - Essien, Alex, Terry, A.Cole - Ballack, Makelele, Lamp­ard, J.Cole - Drogba, Malouda.
Vara­menn:  Cudic­ini, Shevchen­ko, Obi, Kalou, Bell­etti.
Lið Bolt­on: Al Habsi - Grét­ar Rafn Steins­son, O'Brien, Ca­hill, Samu­el - Davies, O'Brien, McCann, Nol­an - Tayl­or, Di­ouf.
Vara­menn: Wal­ker, Jääskelä­in­en, Meite, Steli­os, Cohen.

• 18 blogg um frétt­ina

Bloggað um frétt­ina

• Jó­hann Hannó Jó­hanns­son: MANCHESTER UNITED MEIST­ARI 2008!!
• Jó­hann­es Ragn­ars­son: Mín­ir menn !
• Ein­ar Vign­ir Ein­ars­son: Þetta er komið hjá Man Utd
• Jón Birg­ir Vals­son: Sig­ur­til­finn­ing­in er alltaf jafn æðis­leg!!!
• Gísli Tryggva­son: "Til ham­ingju með dag­inn"
• Jón Rún­ar Ip­sen: ham­ingjuósk­ir
• Friðrik Jóns­son: Jááááááááá
• Guðríður Hrefna Har­alds­dótt­ir: Spá­dóm­arn­ir ræt­ast hver af öðrum ...
• Mancuni­an: Grant stend­ur ekki við stóru orðin
• Hall­grím­ur Guðmunds­son: Voru bara tveir
• Skarp­héðinn Gunn­ars­son: Heila­laus íþrótt fyr­ir heila­laust fólk!
• Rún­ar Hauk­ur Ingimars­son: Ryan Giggs, 10 Eng­lands­meist­ar­ar­titl­ar - 758 leik­ir
• Sæmund­ur Bjarna­son: Æ, ég man aldrei hvort það er Farm­all eða Fergu­son
• Berg­dís Rós­ants­dótt­ir: WE ARE THE CHAMP­I­ONS !!!!!!!!
• Siggi Hlö / Lolli / Steini: Minn­um á golf­mót ManUtd þann 31. mai
• Linda litla: Mæðradag­ur­inn happa­dag­ur hjá sum­um.
• Haf­steinn Viðar Ásgeirs­son: Þetta var glæsi­legt.
• Stefán Friðrik Stef­áns­son: Glæsi­legt hjá Man Utd - 17. tit­ill­inn í höfn