Ferguson kjörinn knattspyrnustjóri ársins
Setja bókamerki
Alex Ferguson heldur áfram að sanka að sér viðurkenningum því í kvöld var hann útnefndur knattspyrnustjóri ársins í Englandi af samtökum knattspyrnustjóra í ensku deildakeppninni.
Þetta er í annað sinn sem Ferguson hlýtur þennan titil en áður var það árið 1999 þegar Manchester United vann bæði ensku úrvalsdeildina og Meistaradeild Evrópu undir hans stjórn.
Steve Coppell, knattspyrnustjóri Reading, hafði unnið titilinn tvö ár í röð, fyrst fyrir að fara með Reading uppí úrvalsdeildina og síðan fyrir að fara með liðið í áttunda sætið þar.
Í þessu kjöri geta sigurvegarar komið úr öllum fjórum deildum ensku knattspyrnunnar því það er miðað við heildarárangur á tímabilinu, með tilliti til þess mannafla sem viðkomandi hafa yfir að ráða.
Ferguson var jafnframt stjóri ársins í úrvalsdeildinni, í 1. deildinni var það Tony Mowbray hjá WBA, í 2. deildinni Roberto Martinez hjá Swansea og í 3. deildinni Graham Turner hjá Hereford.
Hraun kemur úr þremur gígum: Virknin stöðug
Hentugt gos fyrst gýs á annað borð
Reiðubúin að aflýsa verkföllum í fjórum leikskólum
Sólveig Anna furðar sig á aðferðum kennara
Vegirnir voru eins og borðstofuborð
Yfir 300 stæði fóru undir hraun