Redknapp: Vörnin var frábær

Harry Redknapp, knattspyrnustjóri Portsmouth, sagði eftir sigurinn á Cardiff City, 1:0, í úrslitaleik ensku bikarkeppninnar í dag að Hermann Hreiðarsson og félagar í vörn liðsins hefðu staðið sig frábærlega.

„Þetta er stórkostlegt. Draumurinn hefur ræst og við erum orðnir bikarmeistarar. Fyrir mig og fjölskyldu mína, stuðningsmenn okkar og leikmennina hefur þetta verið góður dagur.

Cardiff setti mikla pressu á okkur og við þurfum að glíma við erfiðar stöður í leiknum. Vörnin hjá mínu liði var frábær. Þegar við náum forystu er erfitt að brjóta okkur niður þar sem við erum með menn á borð við Sol Campbell, David James, Sylvain Distin, Hermann Hreiðarsson og Glen Johnson til að verjast," sagði Redknapp við BBC.

• 2 blogg um fréttina

Bloggað um fréttina

• Ísak Þór Ragnarsson: Til Hamingju Hermann og Portsmouth..
• Jón Birgir Valsson: Til hamingju Hermann Hreiðarsson!