Anelka vill spila frammi

Nicolas Anelka er ekki al­veg fylli­lega sátt­ur við sinn fyrsta vet­ur hjá Chel­sea en seg­ist von­ast til að breyt­ing verði á næsta vet­ur og að þá fái hann að spila í sinni stöðu, sem fram­herji.

„Síðan ég kom til Chel­sea hef ég spilað á hægri eða vinstri kant­in­um en aldrei fengið að spila í minni stöðu sem fram­herji. Ég er auðvitað nýr í liðinu, en næsta vet­ur verð ég ekki nýr, held­ur leikmaður Chel­sea og von­andi fæ ég þá a spila frammi,“ seg­ir Anelka sem seg­ist ekki þurfa að sanna eitt né neitt hjá Chel­sea, enda al­van­ur fram­línumaður. „Ég hefði al­veg getað leikið frammi með Drogba,“seg­ir kapp­inn.

Hann kom inná í úr­slita­leik Meist­ara­deild­ar­inn­ar rétt fyr­ir lok hans og tók síðan síðustu víta­spyrn­una sem var var­in og þar með vann Manchester United. „Ég sat á bekkn­um í 110 mín­út­ur og svo allt í einu var mér sagt að fara inná en þá hafði ég bara náð að hita upp í svona mín­útu. Það er allt of stutt­ur tími,“ seg­ir Anelka

• 1 blogg um frétt­ina

Bloggað um frétt­ina

• Björg­vin S. Ármanns­son: Fá hann aft­ur á An­field