Henk Ten Cate sagt upp upp hjá Chelsea

Fregnir frá Englandi herma að Hollendingurinn Henk Ten Cate hafi verið látinn taka poka sinn sem aðstoðarknattspyrnustjóri Chelsea. Hann var ráðinn til starfans í október og var Avram Grant til trausts og halds en Grant var sagt upp störfum um síðustu helgi. Á vef Chelsea er staðfest að Hollendingurinn hafi lokið störfum fyrir Lundúnaliðið.

Sky Sports fréttastöðin greindi frá því að Ten Gate hefði verið rekinn úr starfi í dag en hann var samningsbundinn félaginu til ársins 2010. Henk Ten Cate taldi sig vera öruggan í starfi og í viðtali við hollenska blaðið Voetbal International fyrr í vikunni sagði hann;

,,Hálfri klukkustund áður en Chelsea kunngerði um uppsögn Avram Grants var ég kallaður á fund Peter Kenyon framkvæmdastjóra. Hann gerði mér grein fyrir því að uppsögn Grants hefði engin áhrif á störf mín.“

• 1 blogg um fréttina

Bloggað um fréttina

• Bergur Thorberg: Smile before killing