Defoe með tvö í sigri Englands

England sigraði Trínidad og Tóbagó, 3:0, í vináttulandsleik í knattspyrnu sem fram fór í kvöld í Port of Spain, höfuðborg Karíbahafsríkisins.

Gareth Barry kom Englandi yfir á 12. mínútu. Stewart Downing átti þá fína sendingu á Wayne Bridge sem lagði boltann fyrir fæturna á Barry sem skorað sitt fyrsta mark fyrir enska landsliðið.

Á 16. mínútu komst England í 2:0. Downing var aftur á ferð og sendi á Jermain Defoe sem skoraði.

Defoe gerði síðan sitt annað mark á 49. mínútu, eftir fyrirgjöf frá David Bentley, 3:0. Enska liðið fór illa með góð færi til að vinna enn stærri sigur.

• 1 blogg um fréttina

Bloggað um fréttina

• Bergur Thorberg: Áfram Spurs!!!!!