Adebayor ætlar ekki að yfirgefa Arsenal

Emmanuel Adebayor framherji Arsenal tilkynnti á fréttamannafundi í dag að hann ætlaði að halda kyrru fyrir hjá Arsenal en Tógómaðurinn hefur undanfarnar vikur verið sterklega orðaður við AC Milan og Barcelona.

Adebayor fór á kostum með Arsenal á síðustu leiktíð og skoraði 30 mörk en frá því tímabilinu lauk í maí hefur hann verið mikið í umræðunni og sagður á förum frá Arsenal líkt og Mathieu Flamini og Aliaksandr Hleb.

„Ég er leikmaður Arsenal og á þrjú ár eftir af samningi mínum. Það sem mestu máli skiptir fyrir mig er að halda áfram að hafa gaman af fótboltanum og ég verð hjá Arsenal,“ sagði Adebayor.

• 1 blogg um fréttina

Bloggað um fréttina

• Marinó G. Njálsson: Adebayor ætlar ekki að fara, en er samt ekki viss …