Benítez vill fá Villa í stað Crouch

Rafael Benítez knattspyrnustjóri Liverpool vill fá spænska framherjann David Villa frá Valencia til að fylla skarð Peters Crouch sem er á leið til Hermanns Hreiðarssonar og félaga hans í Portsmouth.

Við höfum Torres, Andrei Voronin, Dirk Kuyt, Ryan Babel og Steven Gerrard, sem getur spilað sem annar framherji. En við munum reyna að fá annan. David Villa er leikmaður sem við vitum allt um og hann er á okkar lista. En það gæti orðið erfitt að fá hann til okkar,“ segir Benítez.

Benítez segist sjá á eftir Crouch. „Hann er mikill atvinnumaður og afar ljúf persóna. Ég vildi hafa hann hjá okkur áfram og við gerðum honum tilboð en stundum verður maður að skilja leikmenn. Hann vill spila meira og ég skil hans stöðu. Hann skilaði hins vegar góðu verki fyrir Liverpool og við stóðum alltaf með honum þegar fólk gagnrýndi hann,“ sagði Benítez.

• 1 blogg um fréttina

Bloggað um fréttina

• Kristján Magnús Arason: Laust pláss á bekknum?