Crouch: Frábært að vera kominn aftur

Peter Crouch var nú í há­deg­inu kynnt­ur til sög­unn­ar sem nýj­asti liðsmaður Ports­mouth en hann gerði fjög­urra ára samn­ing við fé­lagið. Crouch kem­ur til bikar­meist­ar­anna frá Li­verpool og er þetta í annað sinn sem fram­herj­inn há­vaxni geng­ur í raðir liðsins og í þriðja sinn sem hann leik­ur und­ir stjórn Harry Red­knapp.

Crouch er dýr­asti leikmaður­inn í sögu Ports­mouth en kaup­verðið er 11 millj­ón­ir punda, 1,7 millj­arðar ís­lenskra króna.

„Það er frá­bært að vera kom­inn aft­ur. Ég held að Harry Red­knapp muni laða fram það besta í mér og ég hef fulla trú á að að ég eigi í vænd­um bestu árin á ferli mín­um. Ports­mouth er frá­bært fé­lag sem svo sann­ar­lega stefn­ir í rétta átt,“ sagði hinn 27 ára gamli Crouch.

Crouch gekk til liðs við Li­verpool árið 2005 og skorað 42 mörk í 135 leikj­um með því. Hann lék með Ports­mouth á ár­un­um 2001-02 og skoraði 18 mörk í 37 leikj­um en hann hef­ur einnig leikið með Totten­ham, Ast­on Villa, Norwich og Sout­hampt­on.

• 2 blogg um frétt­ina

Bloggað um frétt­ina

• Haf­steinn Viðar Ásgeirs­son: Afar feg­inn ad vera laus fra Li­verpool.
• Hvíti Ridd­ar­inn: Kveð með söknuði