„Bara ansans óheppni“

Brynj­ar Björn Gunn­ars­son, landsliðsmaður hjá Rea­ding í Englandi, meidd­ist á æf­ingu með fé­lag­inu í fyrra­dag og seg­ist bú­ast við að verða frá æf­ing­um og keppni í tvo mánuði. „Þetta er bara ans­ans óheppni að lenda í þessu. Það tognaði liðband inn­an á öðru hnénu,“ sagði Brynj­ar Björn sem lék lítið með Rea­ding síðari hluta tíma­bils­ins í fyrra vegna meiðsla.

„Jú, ég fór í aðgerð á nára og hef ekk­ert leikið með liðinu síðan í janú­ar. Ég var alltaf að vona að ég næði ein­hverj­um af síðustu leikj­un­um á tíma­bil­inu en það varð ekk­ert úr því. Síðan náði ég að hvíla mig ágæt­lega yfir sum­arið og vera í sjúkraþjálf­un og var orðinn fínn núna þessa viku til tíu daga sem við erum bún­ir að æfa hérna,“ sagði Brynj­ar Björn sem var fastamaður í liði Rea­ding í ensku úr­vals­deild­inni fyrri hluta tíma­bils­ins og spilaði alla leiki þess til ára­móta.

Hann verður ekki til­bú­inn í lands­leik­ina í haust ef landsliðsþjálf­ar­inn hefði not fyr­ir hann. „Nei, ég verð ekki klár í leik­ina í ág­úst og byrj­un sept­em­ber. Byrj­un tíma­bils­ins hjá Rea­ding er líka út úr mynd­inni hjá mér. Þetta er fer­legt og sér­stak­lega að meiðast svona á æf­ingu,“ sagði Brynj­ar í gær.

Íslenska landsliðið mæt­ir Aser­baíd­sj­an hér á landi 20. ág­úst í vináttu­leik, Norðmönn­um ytra 6. sept­em­ber í undan­keppni heims­meist­ara­móts­ins og Skot­um á Laug­ar­dals­velli 10. sama mánaðar. Um miðjan októ­ber verður síðan leikið við Hol­land ytra í sömu keppni og Makedón­íu hér á landi.