United skoðar Berbatov

Manchester United mun í vikunni leggja drög að tilboði í Dimitar Berbatov, leikmann Tottenham, samkvæmt því sem umboðsmaður leikmannsins segir.

Emil Danchev, umboðsmaður Berbatov, sagði í útvarpsviðtali í Búlgaríu að United hafi sýnt leikmanninum áhuga. „Ég get staðfest að Manchester United hefur sýnt áhuga á Berbatof,“ sagði umboðsmaðurinn en bætti síðan við: „Ég get ekki sagt meira um þetta á þessu stigi málsins.“

Framtíð Berbatovs hefur verið nokkuð í umræðunni í talsverðan tíma og United þá fyrst og fremst nefnt til sögunnar og um tíma var talið að hann færi til meistaranna í janúar, en ekkert varð af því. Sögur herma að United hafi um helgina sent inn formlegt tilboð upp á 20 milljónir punda. 

• 1 blogg um fréttina

Bloggað um fréttina

• Gísli Foster Hjartarson: Hvað meina menn