Portsmouth burstaði nígerísku meistarana

Ensku bikarmeistararnir Portsmouth unnu stórsigur, 5:0, á nígerísku meisturunum Kano Pillars í æfingaleik sem fram fór í Abuja í Nígeríu í gærkvöld.

John Utaka, Ben Sahar og Nwankwo Kanu skoruðu í fyrri hálfleiknum og Peter Crouch, sem skipti við Kanu í hálfleik, bætti við tveimur í þeim síðari. Þeir Utaka og Kanu eru báðir Nígeríumenn.

Hermann Hreiðarsson lék síðari hálfleikinn með Portsmouth og kom þá inná fyrir Nígeríumanninn Celestine Babayaro, en Harry Redknapp knattspyrnustjóri skipti um níu menn í hálfleik.

Portsmouth mætir Englands- og Evrópumeisturum Manchester United í sýningarleik í Abuja í kvöld.

• 1 blogg um fréttina

Bloggað um fréttina

• Gísli Foster Hjartarson: Nær Hemmi að skora í kvöld?