Barry tilbúinn til að spila gegn FH

Martin O'Neill, knattspyrnustjóri Aston Villa, staðfesti við sjónvarpsstöð félagsins í kvöld að enski landsliðsmaðurinn Gareth Barry væri tilbúinn til að spila með liðinu gegn FH á Laugardalsvellinum í UEFA-bikarnum annað kvöld.

Óvissan um framtíð Barrys hjá félaginu hefur verið mikil í sumar en Villa er búið að hafa tilboðum frá Liverpool í hann. Ef Barry spilar gegn FH yrði hann ekki gjaldgengur með Liverpool í Evrópukeppni í haust, færi hann þangað.

Barry kom með Aston Villa til Íslands og æfði með liðinu á Laugardalsvellinum í kvöld. O'Neill sagði á vef Villa að þjálfararar liðsins hefðu rætt við Barry eftir æfinguna og hann væri tilbúinn og spenntur fyrir því að spila, sem væru frábærar fréttir.

• 1 blogg um fréttina

Bloggað um fréttina

• SteiniGjé..!: Þetta Gleður Mitt Litla Hjarta... MIKIÐ!