Liverpool slapp með skrekkinn
Robbie Keane í baráttu við Tomislav Mikulic í Liege í kvöld.
Reuters
Setja bókamerki
Standard Liege og Liverpool gerðu markalaust jafntefli í fyrri viðureign liðanna í 3. umferð Meistaradeildar Evrópu en liðin áttust í Belgíu í kvöld. Liverpool-liðið var langt frá því að vera sannfærandi og getur í raun þakkað Jose Reina markverði liðsins fyrir jafnteflið því hann varði vítaspyrnu í fyrri hálfleik og tókst rétt á eftir að blaka boltanum frá marklínununni eftir skalla leikmanns Standard í stöngina.
Fernando Torres og Robbie Keane léku saman í fremstu víglínu en hvorugur náði sér á strik og þá sérstaklega Keane sem fór af velli á 67. mínútu. Steven Gerrard, sem hefur átt við meiðsli að stríða, leysti Keane af hólmi en Liverpool ætti að komast áfram í riðlakeppnina enda heimavöllur liðsins mikið vígi í Evrópukeppninni.
Víkingar komnir yfir 800 milljónir í greiðslur
Alvarleg netárás á Wise
Ók á hóp fólks á jólamarkaði: Einn látinn
Bjarni: „Útilokað að þetta geti gengið upp“
Var engin kristnitaka árið 1000?
Barn lést í árásinni
Fyrsti blaðamannafundurinn í heild sinni
