Hyypia ekki í Meistaradeildarhópnum

Varnarjaxl Liverpool, Sami Hyypia, er óánægður með þá ákvörðun Rafa Benítez þjálfara að velja hann ekki í 25 manna hóp liðsins í Meistaradeild Evrópu.

Reglur kveða á um að í 25 manna hópum liða sem þátt taka í Meistaradeildinni séu minnst átta uppaldir hjá viðkomandi félagsliði. Þess vegna eru á blaði hjá Liverpool menn á borð við Jay Spearing og Martin Kelly en enginn Sami Hyypia.

Hægt er að breyta listanum áður en útsláttarkeppni Meistaradeildarinnar hefst ef félög ná svo langt en þangað til að minnsta kosti situr Hyypia heima meðan Liverpool spilar.

• 4 blogg um fréttina

Bloggað um fréttina

• Smári Jökull Jónsson: Kaldar kveðjur
• Hallgrímur Guðmundsson: Er Finnska varnartröllið komið út
• Þórarinn M Friðgeirsson: Benni að missa það ?
• Hilmar Dúi Björgvinsson: Komdu bara á Craven...