Hiddink hlustar ekki á Tottenham

Guus Hiddink, landsliðsþjálfari Rússa, hlustaði ekki á beiðni forráðamanna Tottenham um að velja ekki Roman Pavlyuchenko í lið sitt sem mætir Wales í Moskvu í kvöld.

Tottenham keypti Pavlyuchenko  fyrir tímabilið og bað um að hann þyrfti ekki að mæta í landsleikin enda væri hann meiddur á ökkla.

Hiddink sagði að hann yrði að leggja sig fram fyrir landsliðið og eftir leikinn í kvöld gæti hann farið að hugsa um Tottenham.  „Við fengum bréf frá Spurs, en læknar okkar og eins frá hans gamla félagi, segja að hann sé í lagi og því spilar hann,“ sagði Hiddink.

• 1 blogg um fréttina

Bloggað um fréttina

• Snorri Bergz: Lokuð eyru