Cavalieri stendur á milli stanganna hjá Liverpool

Brasilíski markvörðurinn Diego Cavalieri leikur sinn fyrsta leik með Liverpool annað kvöld þegar liðið tekur á móti 2. deildarliðinu Crewe í 3. umferð ensku deildabikarkeppninnar.

Rafael Benítez knattspyrnustjóri Liverpool hefur ákveðið að gefa Jose Reina frí en Spánverjinn snjalli hefur staðið á milli stanganna hverja einustu mínútu á yfirstandandi leiktíð.

,,Ég hef ákveðið að Diego muni spila leiki okkar í deildabikarnum. Hann er mikill atvinnumaður í sér og hefur verið duglegur að kynnast enska fótboltanum. Þetta er mikilvæg keppni og ekki síst vegna þess að þar gefst möguleiki á að gefa öðrum leikmönnum tækifæri,“ segir Benítez á vef Liverpool.

Cavalieri er 26 ára gamall sem kom til Liverpool frá brasilíska liðinu Palmeiras í sumar og gerði fjögurra ára samning.

• 1 blogg um fréttina

Bloggað um fréttina

• Hallgrímur Guðmundsson: Þetta er svo mikilvæg keppni