Liverpool og United áfram

Liverpool og Manchester United tryggðu sér sæti í 4. umferð ensku deildarbikarkeppninnar í kvöld. Liverpool lagði 2. deildarlið Crewe á Anfield, 2:1, og Manchester United bar sigurorð af Middlesbrough á Old Trafford, 3:1.

Daniel Agger kom Liverpool yfir á 15. mínútu en Michael O'Connor jafnaði 10 mínútum síðar fyrir Crewe. Brasilíumaðurinn Lucas Leiva skoraði svo sigurmarkið á 58. mínútu en Liverpool hvíldi nokkra lykilmenn og Fernando Torres, Robbie Keane og Jamie Carragher komu allir inná sem varamenn.

Cristiano Ronaldo lék sinn fyrsta leik í byrjunarliði Manchester United og hann skoraði á 25. mínútu með skalla eftir hornspyrnu. Adam Johnson jafnaði fyrir gestina á 56. mínútu en þeir Ryan Giggs og Nani tryggðu United sigurinn með mörkum á síðustu 10 mínútum leiksins. Emanuel Pogatetz var vikið af velli í liði Boro á 66. mínútu.

• 1 blogg um fréttina

Bloggað um fréttina

• Mancunian: Pogatetz er sorgleg útgáfa af knattspyrnumanni