Bíður spenntur eftir Eduardo

Robin Van Persie bíður spenntur eftir félaga sínum Eduardo úr meiðslum og segir endurkomu hans geta skipt sköpum fyrir Arsenal.

Eduardo hefur sem kunnugt er verið frá vegna fótbrots síðan í febrúar síðastliðnum en bati hans verið undraverður og gera menn ráð fyrir að hann geti farið að spila fyrir alvöru á þremur til fjórum vikum.

Persie segir í samtali við Sky að hann geti vart beðið. „Eduardo er mjög mikilvægur fyrir liðið en hann hefur tekist á við meiðslin af stakri festu og ekki þarf annað en skoða tölfræði hans til að sjá að við þörfnumst hans.“

• 1 blogg um fréttina

Bloggað um fréttina

• Hilmar Dúi Björgvinsson: ...skil það...