Ljungberg til Bandaríkjanna

Sænski knattspyrnumaðurinn Freddie Ljungberg mun skrifa undir samning við bandaríska atvinnumannaliðið Seattle Sounders á morgun. Ljungberg, sem er 31 árs gamall, var leystur undan samningi við West Ham í ágúst en hann samdi við Íslendingaliðið til fjögurra ára í fyrra.

Ljungberg gerði garðinn frægan með Arsenal. Hann lék með liðinu frá 1998 til 2007 og varð enskur meistari með því í tvígang, 2002 og 2004.

Hann ákvað síðan að taka tilboði Eggerts Magnússonar fyrrum stjórnarformanns West Ham á síðasta ári en Svíinn knái náði sér aldrei á strik með liðinu og þegar West Ham þurfti að grípa til niðurskurðar í sumar var ákveðið leysa hann undan samningi. 

Ljungberg lagði landsliðsskóna á hilluna eftir Evrópumótið í sumar en alls lék hann 75 leiki með sænska landsliðinu og skoraði í þeim 14 mörk.

• 1 blogg um fréttina

Bloggað um fréttina

• Gísli Foster Hjartarson: Spilar frítt!!!!!