Liverpool slapp með skrekkinn - Chelsea lá fyrir Roma - Eiður á bekknum allan tímann
Setja bókamerki
Liverpool og Atletico Madrid skildu jöfn, 1:1, í fjórðu umferð riðlakeppni Meistaradeildar Evrópu í knattspyrnu á Anfield í kvöld. Liverpool slapp með skrekkinn því Steven Gerrard jafnaði metin úr vítaspyrnu á 89. mínútu. Chelsea tapaði fyrir Roma, 3.1, og Barcelona varð að láta sér lynda 1:1 jafntefli gegn Basel en þrátt fyrir það eru Börsungar komnir áfram í 16-liða úrslitin.
Maxi Rodriguez kom Atletico Madrid yfir á 37. mínútu og það stefndi allt í að það yrði sigurmarkið en þegar um ein mínúta var eftir fékk Liverpool víti á silfurfati frá sænskum dómara leiksins og fyrirliðinn Steven Gerrard, sem fiskaði vítið, skoraði af öryggi. Liverpool og Atletico Madrid eru því jöfn að stigum með 8 stig en PSV og Marseille hafa 3 stig.
Chelsea gerði enga frægðarför til Róm en liðið tapaði, 3:1, fyrir heimamönnum Vucinic skoraði tvö marka Roma og Panucci eitt en John Terry lagaði stöðuna fyrir Chelsea. Deco fékk að líta rauða spjaldið á 80. mínútu leiksins. Chelsea hefur 7 stig, Roma og Bordeaux 6 og Cluj 2.
Eiður Smári Guðjohnsen sat á varamannabekk Barcelona allan tímann sem gerði aðeins 1:1 jafntefli við Basel en Börsungar eru komnir áfram í 16-liða úrslit. Lionel Messi skoraði mark Barcelona á 62. mínútu, tveimur mínútum eftir að hafa komið inná sem varamaður. Fyrir leikinn hafði Barcelona unnið 11 leiki í röð í öllum keppnum.
Liverpool - Atletico Madrid bein lýsing
Roma - Chelsea bein lýsing
Barcelona - Basel bein lýsing
Marseille - PSV bein lýsing
Anorthosis - Inter bein lýsing
„Má segja að þetta gos hafi þjófstartað“
Þórarinn: Tafir á höfuðborgarsvæðinu ekki minni
Sáu eldgosið brjótast út frá Snæfellsnesi
Átti ekki að láta pirring bitna á sjúklingi
Maskína: Framsókn í fallbaráttu
Myndir: Grindavíkurvegur aftur undir hraun
Hraun fór yfir Grindavíkurveg