Wenger: Frábær fótboltaleikur

Arsene Wenger knattspyrnustjóri Arsenal sagði eftir sigur sinna manna á Manchester United í dag að sigurinn hefði verið besta leiðin til að svara þeirri gagnrýni sem hefur verið á hann og leikmenn liðsins og hann hrósaði báðum liðum fyrir frábæran fótboltaleik.

,,Við urðum að vinna og það er alltaf besta liðin að svara gagnrýni að gera það gott inni á vellinum. Þetta var frábær fótboltaleikur og bæði lið eiga heiður skilinn. United nýtti ekki sín færi en það gerðum við og það taldi þegar upp var staðið,“ sagði Wenger við Sky Sport eftir leikinn.

,,Ég viss að leikurinn var mjög þýðingarmikill fyrir framtíð liðsins en ekki félagsins. Að vera með í toppbaráttunni og vinna þennan frábæra sigur var afar þýðingarmikið fyrir okkar unga lið,“ sagði Frakkinn.

• 1 blogg um fréttina

Bloggað um fréttina

• Hallgrímur Guðmundsson: Já sæll, eigum við að ræða þetta