Harry Redknapp: Gomes nýtur fulls trausts

Harry Redknapp knattspyrnustjóri Tottenham segir að brasilíski markvörðurinn Heurelho Gomes njóti fulls trausts hjá sér en markvörðurinn sem kom frá PSV í sumar hefur gert sig seka um nokkur slæm mistök á leiktíðinni og nú síðast gegn Fulham um síðustu helgi þar sem Tottenham tapaði.

,,Hann er okkar markvörður númer eitt svo hann verður að standa sig. Ég hef fulla traust á honum," sagði Redknapp, sem fyrir nokkrum vikum sagði að Brasilíumaðurinn hefði alla burði til að verða einn besti markvörðurinn í úrvalsdeildinni.

,,Ég hef trú á honum og verðum að hafa það. Auðvitað er hann vonsvikinn yfir þeim mistökum sem hann gerði um síðustu helgi en ferill hans segir okkur að hann er heimsklassa markvörður. Hann verður bara að jafna sig á þessu og kom sterkur til leiks á móti Blackburn um næstu helgi. Hann er sterkur persónuleiki," segir Redknapp.

• 1 blogg um fréttina

Bloggað um fréttina

• Bergur Thorberg: Gomes er fínn markmaður