Ferguson afskrifar Arsenal í titilbaráttunni
Ferguson virðist ekki hafa áhyggjur af Arsene Wenger og félögum í Arsenal.
Reuters
Setja bókamerki
Sir Alex Ferguson, stjóri Manchester United, hefur litla trú á að Arsenal geri þeim skráveifu í titilbaráttunni, ef marka má nýjustu ummæli skotans skapmikla.
Ferguson segir að baráttan muni standa milli þriggja liða; Chelsea, Liverpool og Manchester United.
„Þetta verður hörð barátta og spennandi, en ég myndi ekki segja að Liverpool séu meiri ógn við okkur en Chelsea. Mikilvægustu úrslitin munu líta dagsins ljós í apríl og maí, en þar sem Chelsea og Liverpool eru einhverjum stigum og leikjum á undan okkur, þurfum við svolítið ráðrúm til að komast upp að hlið þeirra,“ sagði Ferguson og minntist ekki einu orði á Arsenal, sem þó eru aðeins þremur stigum á eftir lærisveinum Ferguson, í fjórða sæti.
„Má segja að þetta gos hafi þjófstartað“
Litlar líkur á að hraunið nái til mannvirkja
Hótar Bretum og Bandaríkjamönnum
Virknin dregist saman um 600 metra
Hraunið við bílastæði Bláa lónsins
Myndir: Grindavíkurvegur aftur undir hraun