Drogba gagnrýndur af samherjum
Setja bókamerki
Enska dagblaðið Daily Mail segir í dag að fundur sem Luiz Felipe Scolari knattspyrnustjóri Chelsea hélt með leikmönnum sínum í gær hafi snúist uppí mikla gagnrýni þeirra á samherja sinn, Didier Drogba.
Samkvæmt blaðinu kallaði Scolari leikmenn sína saman á æfingasvæði félagsins, Cobham, til að fara yfir stöðu mála á tímabilinu. Rætt var um leikaðferðir, æfingarnar og fleiri mál en mesta samstaða leikmannanna á fundinum var fólgin í því að segja Drogba til syndanna.
Þeir eru sagðir óhressir með ýmis ummæli hans í fjölmiðlum, m.a. að félagið hafi ekki sýnt sér neinn stuðning þegar amma hans lést, og í kjölfarið hafi hann velt því alvarlega fyrir sér að leggja skóna á hilluna þar sem áhuginn fyrir fótboltanum hafi dvínað verulega.
Daily Mail segir að einn samherja hans hjá Chelsea hafi sagt honum tæpitungulaust að hætta slíku bulli, enda hafi félagið útvegað honum einkaþotu til að komast heim til Fílabeinsstrandarinnar þegar amma hans lést.
Þá segir blaðið að mikill meirihluta leikmanna Chelsea vilji að Drogba verði seldur strax frá félaginu.
Hópur fólks reyndi að komast að eldgosinu
„Höfum sloppið bærilega með skaða af þessu gosi“
Vegirnir voru eins og borðstofuborð
Hulda saksóknari: „Tökum þetta ekki til greina“
Dómur þyngdur um þrjú ár
50 milljónir eiga að minnka svindl um 1 milljarð
Hentugt gos fyrst gýs á annað borð
Þarf að koma til móts við ólíkar þarfir lækna