Portsmouth hafnar risaboði frá Tottenham
Setja bókamerki
Enska dagblaðið The Guardian segir í dag að bikarmeistarar Portsmouth hafi hafnað 30 milljón punda boði frá Tottenham Hotspur í þrjá leikmenn, Peter Crouch, Jermain Defoe og Glen Johnson.
Harry Redknapp, sem var knattspyrnustjóri Portsmouth um árabil, fékk þessa leikmenn alla til félagsins en hann flutti sig um set fyrr í vetur og tók við liði Tottenham.
The Guardian segir að forráðamenn Portsmouth hafi hafnaði tilboðinu umsvifalaust þar sem þeir hafi ekki talið það fullnægjandi hvað verðgildi þessara þriggja leikmanna varðaði. Talið hefur verið víst að Defoe verði seldur og bæði Aston Villa og Manchester City hafa sýnt honum mikinn áhuga en Portsmouth vill fá 15-20 milljónir punda fyrir hann einan.
Johnson hefur verið sterklega orðaður við Manchester United en Crouch hefur til þessa ekki verið talinn á leið frá félaginu, enda nýkominn til Portsmouth frá Liverpool.
Flestir sem hvergi finnast koma frá Sómalíu
Þarf að koma til móts við ólíkar þarfir lækna
Ása Ellerup flutt út og ætlar að selja húsið
Vegirnir voru eins og borðstofuborð
Pútín reynir allt til að forðast aðra herkvaðningu
Hulda saksóknari: „Tökum þetta ekki til greina“
Í kappi við tímann að reyna að afstýra verkfalli