Evra frá keppni í þrjár vikur

Patrice Evra, franski knattspyrnumaðurinn sem leikur með Manchester United, verður frá keppni næstu þrjár vikurnar vegna meiðsla á fæti sem hann varð fyrir í leiknum gegn Chelsea á sunnudaginn.

Evra tognaði einmitt þegar hann átti glæsilega sendingu fyrir mark Chelsea, sem Wayne Rooney nýtti sér vel og kom United í 2:0. Hann missir af fimm næstu leikjum Manchester United sem eru gegn Wigan, Bolton og WBA í úrvalsdeildinni, Derby í undanúrslitum deildabikarsins og Tottenham í 4. umferð ensku bikarkeppninnar.

Hann var nýkominn inní lið United á ný eftir að hafa fengið fjögurra leikja keppnisbann sem þýddi að hann lék ekkert með liðinu um jól og áramót.

• 3 blogg um fréttina

Bloggað um fréttina

• Þórarinn M Friðgeirsson: Þetta er svakalegt ég hef stórar áhyggjur af þessu.
• Þórður Helgi Þórðarson: Afskaplega slæmt
• Pétur Sig: Gott mál!