Blackburn fær Frakka lánaðan

Enska úrvalsdeildarfélagið Blackburn Rovers hefur fengið franska knattspyrnumanninn Gael Givet lánaðan frá Marseille út þetta keppnistímabil, með forkaupsrétti á honum í vor.

Givet er 27 ára gamall varnarmaður sem leikur ýmist sem miðvörður eða vinstri bakvörður. Hann á að baki 13 landsleiki fyrir Frakkland og var fastamaður hjá Marseille síðasta vetur, eftir að hafa leikið með Mónakó í 10 ár þar á undan, en hefur ekkert spilað á þessu tímabili vegna ósættis við þjálfara liðsins, Eric Gerets.

Givet lék með Mónakó í úrslitaleik Meistaradeildar Evrópu árið 2004 þegar liðið beið lægri hlut fyrir José Mourinho og hans mönnum í Porto.

• 1 blogg um fréttina

Bloggað um fréttina

• Gísli Foster Hjartarson: Liverpool fær lánaða kápu!!!!!