Enn fleiri meiddir hjá Man. Utd

Meiðslalistinn hjá Manchester United lengdist enn þegar liðið bar sigurorð af Tottenham, 2:1, í ensku bikarkeppninni í knattspyrnu í dag og þá spilaði Cristiano Ronaldo þrátt fyrir veikindi.

Hinir ungu Fabio og Danny Welbeck komu inní liðið fyrir leikinn í dag og þurftu báðir að fara af velli vegna meiðsla, á kálfa og ökkla. Ronaldo þurfti læknisaðstoð í morgun en lék samt með.

„Við urðum að senda lækni til hans og ég hélt að hann ætti ekki möguleika á að spila. En hann var staðráðinn í að vera með og það er alltaf gott að hafa hann í liðinu," sagði Alex Ferguson, knattspyrnustjóri Manchester United.

Lið hans mætir WBA á The Hawthorns á þriðjudagskvöldið.

• 1 blogg um fréttina

Bloggað um fréttina

• Þórarinn M Friðgeirsson: Ekki græt ég mikið yfir þessu verst að það virðist …