Lawrence: Hermann, klipptu á þér neglurnar!

Liam Lawrence, kantmaður hjá Stoke, kvartar sáran yfir því að Hermann Hreiðarsson, sé með langar neglur, en þeir áttust við um helgina þar sem Hermann átti stóran þátt í jöfnunarmarki Portsmouth.

Lawrence segir að Hermann hafi tvívegis sökkt nöglunum í hálsinn á sér, en þeir voru þá eitthvað að kljást. 

„Við Hermann vorum að kljást eitthvað og  hann kleip mig í hálsinn. Ég lét þetta kyrrt liggja þegar hann gerði það í fyrsta sinn, en þegar hann gerði það aftur og mun fastar þá varð ég að hrista hann af mér. Neglurnar á honum voru nefnilega ansi langar og hann þarf að klippa þær,“ segir Lawrence og bætir við að þeir hafi síðan gantast með þetta.

• 2 blogg um fréttina

Bloggað um fréttina

• Gísli Foster Hjartarson: Öll trixin í bókinni !!!!
• Tómas Þráinsson: Kerling er þetta!!