Tvísýnt með Benayoun gegn Real Madrid

Óvíst er að ísraelski kantmaðurinn Yossi Benayoun geti leikið með Liverpool gegn Real Madrid í Meistaradeild Evrópu í knattspyrnu annað kvöld en hann tognaði í læri.

Benayoun var hetja Liverpool í fyrri leiknum á Santiago Bernabau í Madríd en þar skoraði hann dýrmætt sigurmark enska liðsins, 1:0. Hann hefur þótt besti leikmaður liðsins í undanförnum leikjum.

„Yossi á í vandræðum og við vitum meira eftir að hann hefur farið í myndatöku," sagði Rafael Benítez knattspyrnustjóri á vef Liverpool í dag.

Benítez er hinsvegar bjartsýnn á að Fernando Torres nái að spila með annað kvöld en hann hefur verið tæpur að undanförnu.

• 1 blogg um fréttina

Bloggað um fréttina

• Hvíti Riddarinn: Hvað er þá til ráða hjá LFC..................