Buðu Ian Rush á árshátíðina

Gamla kempan Ian Rush, sem gerði garðinn frægan með Liverpool á árum áður, verður heiðursgestur Liverpool-klúbbsins á Íslandi, sem halda mun árshátíð sína aðra helgi.

Rush er markahæsti leikmaður Liverpool frá upphafi og verður í góðu yfirlæti stuðningsmanna Liverpool á Íslandi, en félagsskapurinn fagnar nú 15 ára afmæli sínu. Áhugasömum er bent á heimasíðuna liverpool.is.