Gerrard með þrennu og eins stigs munur

Li­verpool burstaði Ast­on Villa, 5:0, í ensku úr­vals­deild­inni í knatt­spyrnu á An­field í dag og er nú aðeins einu stigi á eft­ir Manchester United í bar­átt­unni um enska meist­ara­titil­inn. Steven Gerr­ard skoraði þrennu fyr­ir  Li­verpool sem er nú komið með betri marka­tölu en Manchester United, sem hins­veg­ar á leik til góða.

Manchester United er með 65 stig, Li­verpool 64 og Chel­sea 61. Li­verpool náði að nýta sér vel ósigra hinna tveggja í gær en United tapaði þá óvænt fyr­ir Ful­ham og Chel­sea fyr­ir Totten­ham. Ast­on  Villa er áfram í 5. sæt­inu með 52 stig.

Li­verpool náði for­yst­unni strax á 8. mín­útu þegar Dirk Kuyt skoraði með föstu skoti rétt utan markteigs, 1:0.

Li­verpool komst í 2:0 á 33. mín­útu með ein­földu marki. José Reina markvörður Li­verpool þrumaði bolt­an­um inn­fyr­ir vörn Villa þar sem Al­bert Riera tók hann viðstöðulaust í þverslána og inn!

Á 39. mín­útu var brotið á Riera og dæmd víta­spyrna á Villa og úr henni skoraði Steven Gerr­ard af ör­yggi, 3:0.

Steven Gerr­ard var aft­ur á ferð á 50. mín­útu þegar bolt­an­um var rennt á hann úr auka­spyrnu rétt utan víta­teigs og hann skoraði með ná­kvæmu inn­an­fót­ar­skoti í mark­hornið hægra meg­in, 4:0.

Veisl­an hélt áfram á An­field því á 65. mín­útu fékk Brad Friedel rauða spjaldið fyr­ir að brjóta á Fern­ando Tor­res. Víta­spyrna og úr henni skoraði Steven Gerr­ard sitt þriðja mark, 5:0.

Li­verpool:  Pepe Reina, Al­varo Arbeloa, Jamie Carrag­her, Mart­in Skrtel, Fabio Aurelio, Javier Mascherano, Xabi Alon­so, Steven Gerr­ard, Dirk Kuyt, Al­bert Riera, Fern­ando Tor­res.

Ast­on Villa: Brad Friedel, Nig­el Reo-Coker, Car­los Cu­ell­ar, Curt­is Davies, Luke Young, James Milner, Stiliy­an Petrov, Ga­reth Barry, Ashley Young, Emile He­skey, John Carew.

• 9 blogg um frétt­ina

Bloggað um frétt­ina

• Björn Jó­hann Björns­son: You aint seen not­hing yet...
• Magnús Geir Guðmunds­son: Á þess­um úr­slit­um áttu víst fæst­ir von, nema ef vera …
• Ægir Óskar Hall­gríms­son: Glæsi­legt!
• Hall­grím­ur Guðmunds­son: 94 mín kennslu­stund í fót­bolta.
• Eg­ill Rún­ar Sig­urðsson: Því­líkt flug á mín­um mönn­um!
• Hörður Hilm­ars­son: Veisla á An­field!
• Þór­ar­inn M Friðgeirs­son: Hrein unun að horfa á þetta.
• Brynj­ar Jó­hanns­son: Nú meiga rauðu djöfl­arn­ir fara að passa sig
• Dunni: Veisla á An­field með smá stíl­broti