Heldur United áfram að bæta metið?

Englands-og Evrópumeistarar Manchester United geta haldið áfram að bæta met í Meistaradeildinni þegar þeir taka á móti Porto í fyrri viðureign liðanna í átta liða úrslitum Meistaradeildarinnar. United hefur ekki tapað síðustu 21 leik sínum í keppninni og er það met í öllum Evrópumótunum.

Þá er United í átta liða úrslitum í Meistaradeildinni í 10. skipti sem er met en sem kunnugt er hafði Manchester United betur gegn Chelsea í úrslitum í fyrra þar sem úrslitin réðust í vítaspyrnukeppni.

United hefur ekki tapað heimaleik í Meistaradeildinni í meira en fjögur ár eða í 19 leikjum en síðasti tapleikur liðsins á Old Trafford var gegn AC Milan.

• 2 blogg um fréttina

Bloggað um fréttina

• Hafsteinn Viðar Ásgeirsson: Fara vonandi ekki erfiðu leiðina?
• Gunnar Th. Gunnarsson: Magnað fótboltafélag