Van Persie ekki með Arsenal

Robin van Persie getur ekki leikið með Arsenal gegn Villareal þegar liðin mætast í fyrri viðureigninni í átta liða úrslitum Meistaradeildarinnar á Estadio El Madrigal vellinum í Villareal annað kvöld. Van Persie hefur ekki náð að jafna sig af nárameiðslum sem hann varð fyrir í leik með hollenska landsliðinu á dögunum.

Van Persie er markahæsti leikmaður Arsenal á tímabilinu með 16 mörk og hann átti stóran þátt í að tryggja sínum mönnum farseðilinn í átta liða úrslitin með því að skora eina mark leiksins í 1:0 sigri á Roma. Í seinni leiknum hafði Arsenal svo betur í vítaspyrnukeppni.

Samir Nasri og Theo Walcott hafa hins vegar jafnað sig af meiðslum og eru klárir í slaginn en fyrir á sjúkralistanum eru Eduardo, Abou Diaby og Tomas Rosicky og verður enginn þeirra með gegn Villareal.

• 1 blogg um fréttina

Bloggað um fréttina

• Sigurpáll Ingibergsson: Spilum 4-5-1 með Adebayor á toppnum