Íþróttir | Enski boltinn | mbl | 14.4.2009 | 11:11

Fimm frá Manchester United tilnefndir

Nemanja Vidic og Cristiano Ronaldo eru báðir tilefndir í kjöri knattspyrnumanns ársins. Reuters

Sex leikmenn hafa verið tilnefndir í kjöri knattspyrnumanns ársins á Englandi af Leikmannasamtökunum og koma fimm þeirra frá Englandsmeisturum Manchester United.

Leikmennirnir sem eru tilnefndir eru þessir:

Edwin van der Sar, Manchester United
Nemanja Vidic, Manchester United
Rio Ferdinand, Manchester United
Ryan Giggs, Manchester United
Cristiano Ronaldo, Manchester United
Steven Gerrard, Liverpool

Cristiano Ronaldo varð fyrir valinu í fyrra og einnig árið á undan en Portúgalinn sankaði að sér verðlaunum í fyrra enda var tímabilið hjá honum hreint magnað.

Eftirfarandi leikmenn eru tilefndir sem besti ungi leikmaðurinn: Jonny Evans (Manchester United), Rafael da Silva (Manchester United), Gabriel Agbonlahor (Aston Villa), Ashley Young (Aston Villa), Stephen Ireland (Manchester City), Aaron Lennon (Tottenham).