Moyes vill ekki að Riley dæmi bikarleikinn
Setja bókamerki
David Moyes knattspyrnustjóri Everton hefur lýst yfir óánægju með að enska knattspyrnusambandið skyldi skipa Mike Riley sem dómara á leik liðsins gegn Manchester United í undanúrslitum bikarkeppninnar á sunnudaginn.
„Fréttamaður spurði mig hvort Riley væri stuðningsmaður Manchester United og ég tel að það þurfi að bera það undir knattspyrnusambandið. Ég tel að einhverjir stjórar kunni að hafa skoðun á því," sagði Moyes á vef Everton.
Knattspyrnusambandið hefur hinsvegar lýst yfir fullum stuðningi við Riley og segir ekkert óeðlilegt við það að setja hann á leikinn. „Allir okkar dómarar eru heiðarlegir og hlutlausir. Mike Riley er einn okkar besti dómari og við erum 100 prósent vissir um að hann muni skila góðu verki á sunnudag," sagði talsmaður sambandsins við BBC.
Moyes er ósáttur við ýmsar ákvarðanir Riley í leikjum Everton á liðnum árum, m.a. þegar hann dæmdi vítaspyrnu á liðið í leik gegn Manchester United í lokaumferð úrvalsdeildarinnar 2003 en ósigur í þeim leik kostaði Everton Evrópusæti. Þá rak Riley leikmann Everton, Tom Cahill, af velli í leik gegn Liverpool síðasta haust.
Falskur fyrirvari á auglýsingum Höllu
Hvatti kjósendur til þess að greiða ógild atkvæði
Auka aðgengi að Grindavík
Vinna hefst í dag við að reisa undirstöður
Unnið að hraunkælingu allan sólarhringinn
Dæla, kæla og verja mikilvæg mannvirki
Fundur hafinn hjá kennurum, ríki og sveitarfélögum