Gerrard ekki með gegn Arsenal

Netútgáfur dagblaðanna Daily Mail og Telegraph segja í kvöld að Steven Gerrard fyrirliði Liverpool verði ekki með á þriðjudaginn þegar lið hans mætir Arsenal í stórleik í ensku úrvalsdeildinni í knattspyrnu.

Jafnframt er sagt að mjög ólíklegt sé að hann spili gegn Hull næsta laugardag en nárameiðslin hafi tekið sig upp aftur og Gerrard hafi verið fyrirskipuð vikuhvíld af læknum Liverpool. Hann missti af átta marka leiknum gegn Chelsea í Meistaradeild Evrópu á þriðjudagskvöldið en meiðslapróf fyrir leikinn leiddi í ljós að fyrirliðinn væri ekki leikfær.

Liverpool á frí um helgina en leikurinn við Arsenal var færður til þriðjudags þar sem Arsenal mætir Chelsea í undanúrslitum bikarkeppninnar á morgun.

• 2 blogg um fréttina

Bloggað um fréttina

• Halldór Jóhannsson: Allt í..
• Kristján Jakob Agnarsson: Græt það ekki