Crewe féll í 3. deildina
Setja bókamerki
Crewe Alexandra, undir stjórn Guðjóns Þórðarson, tapaði í dag fyrir Leicester City, 0:3, í lokaumferð ensku 2. deildarinnar í knattspyrnu og féll þar með niður í 3. deild.
Sigur í dag hefði ekki dugað Crewe til að halda sæti sínu því keppinautarnir í fallslagnum, Carlisle og Brighton, unnu bæði sína leiki. Guðjón tók við Crewe í vonlausri stöðu um áramót en virtist um tíma vera á góðri leið með að bjarga liðinu frá falli og það komst um tíma í 18. sæti af 24 liðum í deildinni. Endaspretturinn var hinsvegar slæmur og niðurstaðan varð fall í 3. deild.
Gylfi Þór Sigurðsson lék allan leikinn með Crewe í dag en hann lauk þar með lánsdvöl sinni hjá félaginu og snýr aftur til Reading. Staðan var 0:0 í 55 mínútur en 2. deildarmeistarar Leicester tóku völdin eftir það.
Auk Crewe falla Northampton, Cheltenham og Hereford niður í 3. deildina.
Leicester og Peterborough fara beint uppí 1. deild og í umspili um eitt sæti þar leikur MK Dons við Scunthorpe og Leeds við Millwall.
Brentford, Wycombe Wanderers og Exeter City hafa tryggt sér sæti í 2. deild og þá leika Bury, Gillingham, Rochdale og Shrewsbury í umspili um eitt sæti þar.
„Við höldum áfram þangað til við erum búin“
Þurfa að fjölga um 100 legurými
Flestir sem hvergi finnast koma frá Sómalíu
Gasmengun gæti borist yfir höfuðborgarsvæðið
77 ár á milli þess elsta og yngsta
Ekki vandamál að vera karlmaður
Þarf að koma til móts við ólíkar þarfir lækna
Í kappi við tímann að reyna að afstýra verkfalli