UEFA bannar dómaranum að ræða um leikinn

Knattspyrnusamband Evrópu, UEFA, hefur bannað Tom Henning Övrebro, sem dæmdi leik Chelsea og Barcelona í undanúrslitum Meistaradeildar Evrópu í gærkvöld, að ræða um leikinn og umdeild atvik hans við fjölmiðla.

Övrebro sagði þetta við norska blaðið Aftenposten sem leitaði eftir hans hlið á því sem gerðist á Stamford Bridge en leikmenn Chelsea voru æfir útí nokkrar ákvarðanir Övrebros í leiknum og veittust að honum í leikslok.

UEFA rannsakar nú framkomu leikmanna Chelsea en talsmaður sambandsins sagði við Sky Sports í dag að beðið væri skýrslu dómarans og eftirlitsmanns áður en ákveðið yrði hvort gripið yrði til einhverra aðgerða eða refsinga.

• 1 blogg um fréttina

Bloggað um fréttina

• Gísli Foster Hjartarson: Er UEFA að grínast?