Ferguson: Hræðilegur leikur
Setja bókamerki
Sir Alex Ferguson knattspyrnustjóri Manchester United var sáttur með sigurinn gegn Manchester City á Old Trafford í dag en skoski knattspyrnustjórinn var ekki ánægður með spilamennsku sinna manna og sagði að leikurinn hefði verið hreint hræðilegur.
,,Við spiluðum ekki vel í dag. Grannaslagir geta verið svona. Þeir geta verið hræðilegir leikir og mér fannst leikurinn í dag hræðilegur,“ sagði Ferguson í viðtali við Sky Sports eftir leikinn.
,,Sigur er sigur á þessum tímapunkti á leiktíðinni. Þetta hefur verið frábær vika og erfið og ég óska leikmönnum mínum til hamingju,“ sagði Ferguson en hans menn geta tryggt sér Englandsmeistaratitilinn á laugardaginn vinni þeir Wigan á miðvikudaginn og fá stig gegn Arsenal um næstu helgi.
Spurður út í framkomu Ronaldos sem var afar ósáttur við að vera tekinn af velli í byrjun seinni hálfleiks sagði Ferguson;
,,Hann vildi vera áfram inná. Hann er frábæru formi en ég verð að horfa á stóru myndina. Frammistaða hans á móti Arsenal var hreint mögnuð þar sem hann gjörsamlega hljóp sokkana af sér,“ sagði Ferguson.
Fundurinn hófst með söng: „Við stöndum þétt saman“
Fljúga með dróna yfir Ölfusá í dag
Voru með 5 sjúkrabíla í verkefnum á brautinni
Halla hyggst tilkynna um umboð í dag
Gosmengun berst til norðurs og norðvesturs
„Það vantar bara brjóstin og gleraugun á Loga“
„Höfum ákveðið að hefja viðræður“
Þungir dómar í Sólheimajökulsmáli
