Fabregas vill fá Alonso til Arsenal

Cesc Fabregas, miðvallarleikmaður Arsenal í ensku úrvalsdeildinni í knattspyrnu, segist gjarnan vilja fá landa sinn Xabi Alonso til liðsins, en framtíð Alonso hjá Liverpool er sögð í óvissu.

Alonso hefur verið orðaður við Real Madrid, en Fabregas segir hann fullkominn leikmann fyrir Arsenal.

„Við höfum misst góða leikmenn, en stjórinn veit hvað hann er að gera. Okkur vantar einhvern á miðjuna sem skiptir sköpum og gefur okkur nýja vídd. Ég held að það sé allt sem okkur vantar. Restin er fullkominn. Xabi gæti verið sá leikmaður. Hann hefur reynslu og getur skorað mörk. Ég er viss um að stjórinn viti af því,“ sagði Fabregas.

• 2 blogg um fréttina

Bloggað um fréttina

• Magnús Geir Guðmundsson: Kemur nú vart til greina.
• Óðinn Þórisson: Xabi Alonso