Staðreyndir um Ronaldo

Það hefur gengið á ýmsu á knattspyrnuferli Portúgalans Cristiano Ronaldo sem innan tíðar yfirgefur Englandsmeistara Manchester United og gengur í raðir nífaldra Evrópumeistara Real Madrid. Hér á eftir verður stiklað á stóru á ferli hins 24 ára gamla leikmanns.

1985: Fæddur 5. febrúar á Madeira í Portúgal.

2002: Leikur sinn fyrsta leik með Sporting Lissabon, 17 ára gamall.

2003: 6. ágúst. Skorar í vináttuleik með Sporting gegn Manchester United á undirbúningstímabilinu.

8. ágúst: Er seldur til Manchester United fyrir 12,2 milljónir punda. Fær úthlutað keppnistreyju númer 7.

16. ágúst: Leikur sinn fyrsta leik með Manchester United. Kom inná í seinni hálfleik í 4:0 sigri gegn Bolton.

1. nóvember: Skorar sitt fyrsta mark fyrir United í 3:0 sigri á Portsmouth.

2004: 22. maí. Fer á kostum í 3:0 sigri á Millwall í úrslitum ensku bikarkeppninnar.

24. júní: Skorar í vítaspyrnukeppni þegar Portúgalar slá Englendinga út í vítaspyrnukeppni á EM.

4. júlí: Leikur með Portúgölum í úrslitum EM sem tapa fyrir Grikkjum, 1:0.

2005: 19. október. Er handtekinn og yfirheyrður vegna nauðgunarmáls á hóteli í London. Lýsir yfir sakleysi og er ekki ákærður.

18. nóvember: Skrifar undir nýjan tveggja ára samning við Manchester United og er bundinn því til ársins 2010.

2006: 1. júlí Lendir í rimmu við félaga sinn Wayne Rooney í 8-liða úrslitum á HM. Eftir brot Rooney á Carvalho kvartar Ronaldo yfir Rooney sem er rekinn af velli. Skorar sigurmarkið í sigri gegn Englendingum í vítakeppni.

8. júlí: Eftir tap gegn Þjóðverjum í leik um 3. sætið á HM lætur Ronaldo þau boð berast að hann vilji fara frá Manchester United og ganga í raðir Real Madrid.

2007: 6. febrúar. Er skipaður fyrirliði Portúgal í leik á móti Brasilíu degi eftir 22 ára afmælið.

13. apríl: Samþykkir að gera nýjan fimm ára samning við Manchester United.

22. apríl: Er útnefndur leikmaður ársins á Englandi og er einnig valinn besti ungi leikmaðurinn. Er sá fyrsti sem afrekar það síðan Andy Gray gerði það árið 1977.

17. desember: Er þriðji í kjöri knattspyrnumanns ársins hjá FIFA á eftir Kaká og Lionel Messi.

2008: 19. mars. Skorar tvö mörk gegn Bolton og er þar með kominn með 33 mörk. Slær 40 ára gamalt markamet George Best.

27. apríl: Er útnefndur leikmaður ársins á Englandi, annað árið í röð.

5. apríl: Verður Englandsmeistari með United eftir sigur á Wigan.

14. maí: Real Madrid segist hafa fé til að kaupa Ronaldo.

21. maí: Evrópumeistari eftir sigur á Chelsea í vítaspyrnukeppni. Skoraði í leiknum sjálfum en nýtti ekki spyrnu sína í vítakeppninni.

22. maí: Bernd Schuster þjálfari Real Madrid segir að Ronaldo eigi eftir að spila með Real Madrid á ferli sínum.

2. júní: Tjáir sig við brasilíska netmiðilinn Terra og segist vilja fara til Real Madrid ef félagið getur gengið að kröfum Manchester United.

6. júní: Man Utd kvartar yfir Real Madrid til FIFA þar sem félagið reynir að fá hann í sínar raðir.

7. júlí: Gengst undir aðgerð á ökkla í Amsterdam í Hollandi.

8. ágúst: Greinir portúgalska dagblaðinu Publico að hann verði áfram hjá Manchester United í það minnst í eitt ár til viðbótar.

17. ágúst: Kemur til baka eftir meiðslin og spilar síðasta hálftímann í markalausu jafntefli gegn Villareal í Meistaradeildinni.

15. nóvember: Skorar sitt 100. mark fyrir Manchester United í leik gegn Stoke.

30. nóvember: Er rekinn af velli í grannalag Manchester United og Manchester City í úrvalsdeildinni.

2. desember: Er kjörinn knattspyrnumaður ársins í Evrópu. Messi varð annar og Torres þriðji.

2009: 8. janúar: Sleppur við meiðsli eftir að hafa klessukeyrt Ferri sportbíl sinn í göngum nálægt flugvellinum í Manchester.

12. janúar: Er útnefndur besti knattspyrnumaður heims í galakvöldverði á vegum FIFA í Zürich.

16. maí: Englandsmeistari þriðja árið í röð eftir markalaust jafntefli gegn Arsenal.

27 maí: Er er í tapliði United gegn Barcelona í úrslitaleik Meistaradeildarinnar.

11. júní: Manchester United tekur 80 milljóna punda tilboði frá Real Madrid í Ronaldo.