Peter Crouch genginn til liðs við Tottenham

Hinn hávaxni framherji Portsmouth og Englands, Peter Crouch, gekk í kvöld til liðs við Tottenham. Kaupverðið er talið í kringum 10 milljónir punda og gerir hann fimm ára samning við félagið, sem tryggir honum 70.000 pund í vikulaun, samkvæmt BBC.

„Salan á Crouch var nauðsynleg til að endurgreiða skuldir meðan að félagið er í yfirtökuferli,“ sagði talmaður félagins á heimasíðu þess.

Crouch gerði alls 16 mörk fyrir Portsmouth á síðustu leiktíð og er hann sagður eiga að fylla skarð Darren Bent, sem ku vera á leið til Sunderland.

Er þetta þriðja félagið þar sem Crouch spilar undir stjórn Harry Redknapp, fyrst hjá Southampton, síðar hjá Portsmouth og nú hjá Tottenham.

• 1 blogg um fréttina

Bloggað um fréttina

• Bergur Thorberg: Hverjir eru bestir? Tottenham