Stutt í endurkomu hjá Ívari

Brendan Rodgers knattspyrnustjóri enska 1. deildarliðsins Reading býst við því að fyrirliðinn Ívar Ingimarsson geti byrjað að spila með liðinu í næsta mánuði.

Ívar hefur ekkert leikið með Reading-liðinu frá því hann gekkst undir aðgerð á hné í janúar en hann er góðum batavegi og er stutt í endurkomu miðvarðarins sterka sem hefur verið sárt saknað í liði Reading.

,,Ívar æfir vel og við áætlum að hann verði klár í slaginn í næsta mánuði. Hann virkar sterkur og eftir landsleikjahléið þá vonast ég til að hann verði næstum tilbúinn,“segir Brendan Rodgers á vef Reading en hann skipaði Ívar nýjan fyrirliða félagsins fyrir tímabilið.

Reading hefur ekki farið vel af stað en eftir þrjá leiki hefur það aðeins 2 stig og hefur enn ekki skorað mark á deildinni. 

• 1 blogg um fréttina

Bloggað um fréttina

• Gísli Foster Hjartarson: Kominn tími til