Adebayor í þriggja leikja bann

Emmanuel Adebayor framherji Manchester City var í dag úrskurðaður í þriggja leikja bann fyrir að traðka ofan á Robin van Persie í viðureign Manchester City og Arsenal um síðustu helgi.

Hann verður því ekki með City í stórleiknum á móti Manchester United á Old Trafford á sunnudaginn og hann verður einnig fjarri góðu gamni í í leik á móti West Ham í úrvalsdeildinni og Fulham í deildabikarnum.

Tógómaðurinn gæti hins vegar átt yfir höfði sér fleiri leiki í bann því eftir á að taka fyrir aðra ákæru á hendur honum sem er þegar hann ögraði stuðningsmönnum Arsenal með því að fagna marki sínum fyrir framan þá. Hann hefur frest til loka mánaðarins til að svara þeirri ákæru.

• 2 blogg um fréttina

Bloggað um fréttina

• Sigurjón Sveinsson: Þetta var svo augljóst brot...
• Gísli Foster Hjartarson: Matulegt a kauda